Mayın 4-də Təhsil Nazirliyinin təşkilatçılığı ilə ölkəmizdə təhsil alan əcnəbi tələbələrin “Hərbi Qənimətlər Parkı”-na səfəri təşkil edilmişdir.

Tədbirdə Təhsil Nazirliyinin əməkdaşları, ali təhsil müəssisələrinin nümayəndələri və 49 ölkədən 71 əcnəbi tələbə iştirak etmişdir.

ADNSU-nun Əcnəbi tələbələr dekanlığının əməkdaşı Emil Abdurəhmanov, əcnəbi tələbələri Ekvador vətəndaşı Espinosa Lamar Andres Fernando, Monqolustan vətəndaşı Batsaikhan Munkhnaran, Keniya vətəndaşı Tikoko Amon Kibichi, Namibiya vətəndaşı Basson Hieronymus Moses, Əfqanıstan vətəndaşı Sania Noorzad da tədbirdə qoşulmuş və səfər çərçivəsində onlara 44 günlük Vətən müharibəsi nəticəsində əldə edilmiş şanlı qələbə barədə məlumatlar verilmişdir.

Tədbirdə hərbi qənimətlər fonunda Azərbaycan ordusunun əzmi və qətiyyəti nümayiş etdirilmiş, eləcə də digər zəruri məqamlarla tanışlıq təşkil edilmişdir.

Sonda iştirakçıların təəssüratları dinlənilmiş, onlarla xatirə şəkli çəkdirilmişdir.