Azərbaycan Dövlət Neft və Sənaye Universitetinin Mexanika Mühəndisliyi Fakültəsi ilə Koreya Dənizçilik və Okean Universitetinin Mühəndislik Kollajı arasında 13 Noyabr 2020 tarixində Akademik Əməkdaşlıq üzrə Anlaşma Memorandumu imzalanmışdır.

 

Anlaşma Memorandumuna görə, hər iki universitet qarşılıqlı əlaqə əsasında akademik və təhsil sahələrində aşağıdakı əməkdaşlıq fəaliyyətlərini təşviq etməyə və inkişaf etdirməyə razıdırlar:

 

- Tədqiqat və təhsil məqsədləri üçün müəllim heyəti və tədqiqatçıların mübadiləsi.

- Kurs işləri daxil olmaqla tələbə mübadiləsi.

- Ortaq maraq dairələrində birgə araşdırma, mühazirə və konfranslarda akademik əməkdaşlıq.

- Qarşılıqlı maraq sahəsindəki akademik məlumat və material mübadiləsi.

- Hər iki qurum üçün faydalı sayıla biləcək hər hansı digər əməkdaşlıq səyləri.